Die JF Kanguru 270 is ontwikkel met alle graanboere in gedagte. Dit help met logistieke en opbergingsvereistes, selfs vir diegene wat reeds ’n vaste silo het en wat hul produksievolume enige tyd wil verhoog.
Dit is ’n robuuste, mobiele werktuig vir die opberging van graan of kunsmis en kan vervoer word na waar die boer dit nodig het. Dit laat jou toe om die graan in ’n groot sak en in ’n anaërobiese omgewing en stabiele temperatuur op te berg.
Voordele van die JF Kanguru 270
Dit maak voorsiening vir die afsonderlike opberging van verskillende soorte graan. Dit is ’n baie goedkoper alternatief as ’n vaste opbergingseenheid. Die werktuig se mobiliteit verseker dit kan maklik op strategiese plekke opgestel word, wat logistiek vergemaklik en koste verminder.
Die werktuig dra by tot winsgewendheid omdat die stelsel dit moontlik maak om die oes op die beste tyd te verkoop, dit berg verskillende soorte graan op, soos mielies, bone, koring, hawer, sorghum en sojabone, en selfs kunsmis, dit verminder koste danksy besparing op die elektrisiteit van ’n silo en goedkoper vragte buite oestyd is ook moontlik.
Die JF Kanguru 270 het ’n gevorderde remstelsel vir presiese remaksie en die eenvormige vulling van sakke. Daar is ’n hyser met koordlose beheer en ’n sakbak met hoogteverstelling deur ’n kruk en awegaar.
’n Groot band bied beter greep en stabiliteit. Die bak het ’n nuwe ontwerp om makliker te laai.
Meer oor JF Máquinas
JF Máquinas is ’n Brasiliaanse maatskappy wat in 1981 gestig is met die doel om toerusting vir vee en die landbou te vervaardig. Sy reeks produkte sluit in kuilvoerkerwers en -koppe, kuilvoerkappers, voerverwerkers, hamermeule en voerwaens wat na meer as 40 lande wêreldwyd versprei word.
