AFGRI
BEAN
02 Feb
-
9604
-189,00
CORN
02 Feb
-
4550,4
-19,60
SOYA
02 Feb
-
8815
-94,00
SUNS
02 Feb
-
11369,8
71,80
WEAT
02 Feb
-
6722
-47,00
WMAZ
02 Feb
-
4298,6
-13,40
YMAZ
02 Feb
-
4419
-26,00

Boerdery verloor 50 000 kuikens in storm

akkreditasie
0:00
play article
Intekenare kan na hierdie artikel luister
Een van S.P. Grobler se hommeltuigfoto's
Een van S.P. Grobler se hommeltuigfoto's
'n Wolkbreuk het Maandagnag groot skade op 'n plaas by Hoopstad veroorsaak.

Altesaam 50 000 agt dae oue kuikens het in die slag gebly toe sowat 80 mm reën in net 30 minute geval het by die Susanna’s Post-boerdery naby Hoopstad in die Vrystaat.

Mnr. S.P. Grobler sê dit het Maandagaand (13 Desember) liggies begin reën en so rondom middernag was daar skielik ’n wolkbreuk. “Ons bepaal nog al die skade, maar benewens die kuikens lyk dit voorlopig of sowat 150 ha se jong mielieplantjies wat verlede week begin opkom het, ook daarmee heen is. Die plantjies was so 5 cm tot 8 cm hoog.”

Susanna’s Post is ’n familieboerdery wat aan Grobler (27) en sy pa, mnr. Boeta Grobler (56), behoort. Dis ’n gemengde boerdery. Mielies is hul hoofvertakking. Hulle boer ook met wild, skaap en het agt hoenderhuise. In elke hoenderhuis word sowat 50 000 kuikens en jong hoenders aangehou wat geslag word wanneer hulle 32 dae oud is.

Hulle het ook ’n meule waar mielies van die omgewing gemaal word. Die boerdery het verskeie stukke grond, maar die deel wat Dinsdag in die vroëe oggendure deur die storm getref is, is op die kruising van die R59 tussen Hoopstad en Bothaville, en die R505 tussen Wesselbron en Makwassie. 

sp hoenderhuise
Foto: SP Grobler
sp hoenderhuise
Foto: SP Grobler
sp hoenderhuise
Foto: SP Grobler

“Die boerdery se naam is Susanna’s Post omdat daar jare gelede ’n poskantoor hier was waar al die boere van die omgewing hul pos kom kry het,” sê SP.

Soos alle boere is hulle natuurlik altyd dankbaar vir reën, “maar om té geseënd te wees is ook nie ’n goeie ding nie”, sê SP.

Die bestuurder van die hoenderhuise het hulle Dinsdag om 01:00 gebel en gesê water is besig om ’n hok te oorstroom en hulle moet kom help.

“Ons het al die plaaswerkers bymekaar gemaak en die mense uit die meule gekry. Hulle het sakke vol sand gemaak en ons het damwalle gebou om die lande om die water te keer wat na die hoenderhuise en meule begin vloei het,” vertel SP.

Hy sê hoewel die groot reën toe verby was, het dit aangehou om saggies te reën en teen Dinsdagmiddag het dit steeds saggies gereën.

Hulle is baie dankbaar dat hulle betyds walle kon bou en slote kon maak om te keer dat die massas water by die meule instroom en die sakke en meel nat word.

“Ons is darem verseker. Ons wag nou vir die assessor om uit te kom en te kyk na die skade. Ek het vanoggend foto’s met my hommeltuig geneem. Ons pomp nou die groot damme water leeg. Die water dam ook op rondom ander hoenderhuise en ons probeer nou maar red wat ons kan.

“Die groot probleem is dat die weervoorspellings daarop dui dat ons nog vir ’n paar dae gaan reën kry en dan sal ons die ander hokke op ’n manier moet beskerm. Die waarskynlikheid is groot dat ons sal moet kies tussen die mielies en die kuikens, en eerder water na die mielielande lei.”

Dan kry hy ’n boodskap van sy pa, hy moet kom: Sy bakkie wat een van die pompe vashou, het nou ook in die water ingesak.

“Ja, wat kan ek sê? Hierdie dinge gebeur met boere en dit help nie ons gaan sit nou in ’n hoekie en huil nie,” sê SP.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.03
+0.1%
Rand - Pond
20.93
+0.8%
Rand - Euro
18.72
+0.1%
Rand - Aus dollar
12.14
+0.2%
Rand - Jen
0.13
-0.0%
Platinum
1,018.82
+0.8%
Palladium
1,669.18
-0.0%
Goud
1,954.48
+0.2%
Silwer
24.46
+2.0%
Brent-ruolie
82.84
-3.2%
Top-40
73,668
-0.1%
Alle aandele
79,864
+0.1%
Hulpbronne 10
74,939
-0.3%
Industriële 25
102,543
+0.0%
Finansiële 15
16,553
-0.0%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Lewenslustige man
Lewenslustige persoon wat hou van nuwe ondekkings/uitdaging s. Christenskap is baie belangrik vir my. Eerlikheid en opregtheid baie belangrik. Lief vir my Afrikaner nasie. Mal...
As jy nie probeer nie sal jy nooit weet nie...¹
LOVE my honde en my kinders. My siels vriende is vir my baie belangrik. Ek steur my nie aan drama nie. Haat shopping centres met ń passie. Alryd aan die kook, bak en...
Vind jou perfekte maat nou!
Ek is 'n:
Op soek na:
Ouderdomsgroep: tot