Wingerde in Puligny-Montrachet. Foto: AFP/Jeff Pachoud
Franse wingerdboukundiges moes onlangse duisende konkavure en kerse in wingerde aansteek om wingerdstokke en bloeisels teen lenteryp te beskerm.
Wingerde reg oor Frankryk is verlede naweek deur lenteryp getref wat temperature in die Champagne-streek tot -9 °C laat tuimel het, berig Mail Online.
Dit is die derde keer in ses jaar dat Chablis-wingerde in die noordooste van Boergondië deur erge ryp getref word. Wynmakers is volgens Mail Online bekommerd oor hoe dit opbrengsvolumes sal affekteer.
Die voorkoms van matige weer vroeg in die jaar gevolg deur lenteryp is ongewoon en skep onsekerheid oor die vooruitsig vir oeste. In Yonne, in die noorde van Frankryk, is twee derdes van die oes verlede jaar deur lenteryp verwoes.
'n Wingerdboukundige steek 'n konkavuur aan om wingerde in Chablis, Frankryk teen rypskade te beskerm. Foto: REUTERS/Stephane Mahe
Konkavure is gedurende verlede naweek in Chablis, Frankryk ingespan om wingerde teen rypskade te beskerm. Foto: REUTERS/Stephane Mahe
Ys hang aan 'n wingerd in Chablis, Frankryk. Foto: REUTERS/Stephane Mahe
