Die Suid-Afrikaanse Weerdiens het ’n waarskuwing oor ’n uiters hoë brandgevaar in die munisipaliteite !Kheis, Dawid Kruiper, Kai !Garib, Joe Morolong, Khai-Ma en Hantam uitgereik.
Mooi en warm, maar later gedeeltelik bewolkte weer word in Gauteng verwag. In Mpumalanga sal dit gedeeltelik bewolk en koel tot warm wees met enkele donderbuie in die Laeveld.
Die weerdiens voorspel gedeeltelik bewolkte en warm tot baie warm weer met enkele buie en donderbuie vir Limpopo, Noordwes, die Vrystaat en KwaZulu-Natal.
In die Noord-Kaap word mooi en warm tot baie warm weer verwag. Dit sal veral uiters warm in die noordelike dele van die provinsie wees. In die ooste van die provinsie sal dit gedeeltelik bewolk wees met enkele buie en donderbuie in die noordooste.
Mooi en warm tot baie warm weer word vir die Wes- en Oos-Kaap voorspel. Enkele buie en donderbuie kan in die oostelike helfte van die Oos-Kaap voorkom.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
