Die Suid-Afrikaanse Weerdiens waarsku teen ’n uiters hoë brandgevaar vandag in die sentrale en suidelike gedeeltes van die Noord-Kaap, die Matzikama-, Sederberg- en Beaufort-munisipaliteit in die Wes-Kaap en die Inxuba Yethemba-munisipaliteit in die Oos-Kaap.
Die weerdiens waarsku ook dat ’n hittegolf van môre tot Sondag hoë temperature in die Dawid Kruiper- en Kai !Garib-munisipaliteit in die Noord-Kaap tot gevolg sal hê. Langdurige blootstelling aan direkte sonlig kan gesondheidsrisiko’s veroorsaak en moet dus vermy word.
Uiters ongemaklik warm omstandighede word ook vandag in die Weskus, Sentraal-Karoo en Oudtshoorn-munisipaliteit in die Wes-Kaap verwag.
Gedeeltelik bewolk en warm tot baie warm weer word vandag in Gauteng, Mpumalanga, Limpopo, Noordwes en KwaZulu-Natal verwag. Mooi en warm tot baie warm weer word vir die Vrystaat voorspel.
Mooi en baie warm tot uiters warm weer word vandag in die Noord-Kaap verwag. In die Wes-Kaap kan mooi en warm tot baie warm weer vandag verwag word, maar uiters warm oor die Sentraal-Karoo en gedeeltes van die Weskus.
Die weerdiens voorspel mooi en warm weer vir die Oos-Kaap.
* Hoe lyk die weer in jou provinsie vandag? Stuur jou weerfoto’s na nuus@landbou.com.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
