Met die voortsetting van La Niña-toestande tot ten minste die einde van die jaar, lyk toestande gunstig vir reën vanaf ongeveer Oktober omdat die gunstige toestande in die Indiese Oseaan kan help om reënval vroeër as wat die afgelope paar jaar voorgekom het, te stimuleer. “Gemiddelde tot bogemiddelde reënval kan verwag word vanaf veral November tot Januarie, wat eers oor die oostelike dele kan begin en dan uitbrei in Desember tot Februarie oor die westelike dele,” sê mnr. Johan van den Berg, onafhanklike landbouweerkundige.
Weermodelle dui aan dat die La Niña-stelsel gaan verswak vanaf ongeveer die einde van die jaar, met die tweede deel van die somer wat droër kan wees en ondergemiddelde reënval wat verwag kan word vanaf einde Januarie oor die oostelike somergraan produksiegebiede en vanaf Februarie en Maart oor die meer westelike somergraangebiede.
Indiese Oseaan-dipool
