’n Geel vlak 2-waarskuwing is uitgereik vir swaar storms en buie, moontlik skadelike wind en weerlig in die Vrystaat, Noordwes, die oostelike Hoëveld van Mpumalanga, die verre suide van Limpopo en westelike KwaZulu-Natal.
Die Suid-Afrikaanse weerdiens het ook ’n geel vlak 4-waarskuwing uitgereik vir ontwrigtende reënval wat tot vloede kan lei in Gauteng, die verre ooste van Noordwes, Oos-Vrystaat en die westelike Hoëveld van Mpumalanga.
In die noorde van die Noord-Kaap, westelike Noordwes en die Vrystaat heers ’n uiters hoë brandgevaar.
In die Wes-Kaap sal dit bewolk oor die Overberg, suidoostelike gedeeltes van die Kaapse Wynland en Sentraal-Karoo gedurende die oggend wees, en later kan dit mooi weer en warm tot baie warm word.
Die Oos-Kaapse kus sal koel wees, en die res van die provinsie kan mooi en warm weer verwag. Die noordooste en oostelike dele kan verspreide buie en donderbuie te wagte wees.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
