Die Suid-Afrikaanse Weerdiens het weer ’n geel vlak 2-waarskuwing vir swaar donderstorms met die moontlikheid van groot hoeveelhede klein haelkorrels, sterk wind, weerlig en die verspoeling van paaie uitgereik.
Die weerdiens waarsku ook dat toestande vir ’n uiters hoë brandgevaar verwag word in die Kai !Garib-, Dawid Kruiper-, !Kheis-, and Kareeberg-munisipaliteite in die Noord-Kaap asook die Sederberg-munisipaliteit in die Wes-Kaap.
Gedeeltelik bewolkte en warm tot baie warm toestande met geïsoleerde buie en donderbuie word vir die suide van Gauteng, die Vrystaat, Noordwes, Oos-Kaap en KwaZulu-Natal voorspel.
In Mpumalanga sal dit bewolk en koel tot warm wees met geïsoleerde buie en donderbuie.
Limpop kan gedeeltelik bewolkte en warm tot baie warm toestande verwag, met moontlike ligte buie in die verre ooste.
In die Noord-Kaap sal dit gedeeltelik bewolk en baie warm tot uiters warm wees met geïsoleerde buie en donderbuie in die verre ooste.
Mooi weer en warm tot baie warm toestande kan in die Wes-Kaap verwag word. Teen vanaand sal die suidelike kusgebiede en aangrensende binneland bewolk wees.
In KwaZulu-Natal sal dit gedeeltelik bewolk en warm wees met geïsoleerde tot verspreide buie en donderbuie.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
