Volgens die Suid-Afrikaanse Weerdiens is daar ’n uiters hoë brandgevaar vandag in die Dawid Kruiper-, Kai !Garib- en Kamiesberg-munisipaliteit in die Noord-Kaap en die Naledi-munisipaliteit in Noordwes.
Die weerdiens waarsku ook dat ’n hittegolf van môre tot Sondag hoë temperature in die Dawid Kruiper- en Kai !Garib-munisipaliteit in die Noord-Kaap tot gevolg sal hê. Langdurige blootstelling aan direkte sonlig kan gesondheidsrisiko’s veroorsaak en moet dus vermy word.
In Gauteng, Mpumalanga en Limpopo sal dit vandag gedeeltelik bewolk en koel tot warm wees.
In die ooste van Mpumalanga sal dit bewolk wees met moontlike ligte reënbuie. Enkele buie word in die ooste en noorde van Limpopo verwag.
Mooi en warm tot baie warm weer word vir Noordwes en die Vrystaat voorspel.
In die Noord-Kaap word mooi en baie warm tot uiters warm weer verwag. Mooi en koel tot warm weer, maar plek-plek baie warm oor die Weskus se binneland, word vir die Wes-Kaap voorspel.
Mooi en warm weer word vir die Oos-Kaap voorspel. In KwaZulu-Natal sal dit bewolk en koel wees, maar plek-plek warm in die noorde.
* Hoe lyk die weer in jou provinsie vandag? Stuur jou weerfoto’s na nuus@landbou.com.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
