By die duurste ram is, van links, mnre. Danie Strauss, afslaer, Botha (koper) van Barkly-Oos, Pretorius (verkoper) en Henri Naudé van BKB.
Baie goeie pryse is op die veiling vir die Tussen Berge-groep op die plaas Roodepoort van mnr. Francois Pretorius, Barkly-Oos, betaal.
Die groep bestaan uit mnre. Pretorius, Frikkie en Jannie Schlebusch, Francois Nel, Stephanus en Peet Naudé en Cobus Botha. Die duurste ram is teen R67 000 verkoop, terwyl ramme gemiddeld R13 349 behaal het. Ooie het gemiddeld R1 881 behaal en hamels gemiddeld R1 396. Die naasduurste ram is teen R52 000 aan mnr. H.P. Naudé van Barkly-Oos verkoop. BKB het die veiling aangebied. Foto: Gavin Isted
