By die ram is, van links, mnre. Koos Louw van OVK, Pat Vorster, Isak en Loma Botha (kopers) van Elliott, Sarel Vorster, Danie Strauss (afslaer) en Henri Naudé van BKB.
Merino’s van mnre. Pat en Sarel Vorster se stoetery Morriston het goeie pryse op hul produksieveiling naby Elliot behaal.
Die stoetery is bekend vir sy goeie, sterk wol en die veiling is goed bygewoon. Die duurste ram is teen R50 000 verkoop en ramme het gemiddeld R11 964 behaal. Ooie het gemiddeld R2 195 behaal. BKB het die veiling aangebied. Foto: Gavin Isted
