Staande, van links, is mnr. Danie Strauss, afslaer, me. Robyn Conroy en mnr. Neil Evans van Ultimate Merino’s en Chicken Jokiwe, hanteerder. Hurkend, van links, is mnre. Gary Tretheway van BKB, Robbie en Grant Stretton.
Die Merinostoeterye Top Tier en Stormberg wat op mnr. Robbie Stretton se plaas Buffelsfontein naby Molteno bestuur word, het uitstekende pryse op sy produksieveiling behaal.
Die stoeterye se grondslag is die afgelope 30 jaar gevestig op die groeptelingbeginsel. Dit het in 2015 saamgesmelt en is van toe af op Stretton se plase bestuur. Die ramme is Veldmerino’s en is grootgemaak met min ekstra voeding en het medium- tot fynwol. Die hoogste prys vir ’n ram was R65 000 wat deur die stoetery Ultimate Merino’s, Cathcart, betaal is. Dié stoetery het ook die naasduurste ram teen R20 000 gekoop. Ramme het gemiddeld R8 308 behaal, terwyl ooie teen gemiddeld R1 828 verkoop is. BKB het die veiling aangebied.
