By die ram is, van links, mnre. Jan Mostert, afslaer, Jan van der Walt van BKB Jamestown, Fanie Strydom, Da Silva, Piet Strydom en Henri de Jager van BKB Bethlehem.
Die tweede produksieveiling van diere uit mnre. Fanie en Piet Strydom se SA Vleismerinostoetery op die plaas Roscoe, Reitz, het puik pryse opgelewer.
Die duurste ram (8099KLP) is teen R35 000 aan mnr. Callie da Silva van Harrismith verkoop. Altesame 42 ramme is teen gemiddeld R13 250 verkoop. BKB Louwid Bethlehem het die veiling aangebied.
