Hy het in 1985 op die familieplaas Groot Phesantekraal begin boer en nou boer sy seuns, Rennie en Jeandré, ook saam met hom.
Hulle bedryf ’n gemengde boerdery met graan en vee en sedert 1998 ook met druiwe. Die ander finaliste was mnre. JP Meintjes van Viljoenskroon in die Vrystaat en Gideon Koegelenberg van Makwassie in Noordwes.
Mnr. Kallie Schoeman van Delmas het die hoogste eerbewys vir dienende of voormalige GSA-hoofbestuurslede, die Goue Graan-toekenning, ontvang. Mnr. Jannie de Villiers, voormalige uitvoerende hoof van GSA, is met die gesogte Inspirasie-toekenning vereer.
Nog toekennings is aan boere gedoen.
Mnr. Mapidianye Phillip Manoto van Lichtenburg, Noordwes, is as GSA, Absa en John Deere Financial se Nuwe Era Kommersiële Boer van die Jaar bekroon. Die afdeling is gemik op nuwe boere wat meer as 250 ton graan per jaar produseer.
Mnr. Bheki Isaac Mabuza van Lydenburg, Mpumalanga, is as GSA se Potensiële Kommersiële Boer van die Jaar aangewys. Hierdie kategorie is vir boere wat minstens 35 ha graan plant en tot 250 ton graan oes.
Mnr. Joseph Tuelo Mokaleng van Delareyville, Noordwes, is GSA en Standard Bank se Kleinskaalboer van die Jaar.
Die afdeling is vir nuwe boere wat graan op 3-35 ha verbou.
Me. Khuphukile Mazibuko van Estcourt is GSA, Absa en John Deere Financial se Bestaansboer van die Jaar, gemik op bestaansboere wat graan op minder as 3 ha plant.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
