Die saadverskaffers Bayer Suid-Afrika en Corteva Afrika en Midde-Ooste sê ten spyte van ekonomies kwessies bly dit vir hulle belangrik om te verseker dat hul kliënte mieliesaad van uitstekende gehalte kry om te plant.
Kobus Meintjes, besturende direkteur by Bayer, sê die styging in saadpryse is hoofsaaklik weens kostedruk aan die produksiekant van saad en stygende energiekoste.
Abraham Vermeulen, handelsbestuurder by Corteva Afrika en Midde-Ooste sê die pryse van hul produkte word bepaal deur die waarde wat dit aan verbruikers bied, produkprestasie en faktore wat produksiekoste laat styg.
