Mnr. Nelis Potgieter, Pioneer se areabestuurder in Noordwes, sê hulle het net sowat 200 sakkies sonneblomsaad landwyd oor en dat die sojasaad uitverkoop is.
“Ons verkoop die afgelope vyf jaar gemiddeld so 35 000 tot 40 000 sakkies sonneblomsaad per jaar. Vorige jare het boere sonneblomsaad normaalweg eers rondom Augustus-September vasgemaak. Dit is nou begin Junie en daar is amper nie meer saad oor nie,” sê Potgieter.
Mnr. Corné van der Westhuizen, landboukundige by Pannar in Noordwes, sê by hulle is saad ook min. “Vir sojaboonsaad is daar beperkte toewysing in sekere streke. Hoeveel en wat beskikbaar is, kan ek nie met 100%-sekerheid sê nie. ’n Mens kan dus sojaboonsaad as taamlik uitverkoop beskou.
