Hy het ’n uithalerkultivar gebruik om die wenopbrengs van 17,59 t/ha te behaal.
Die gesegde om te meet, is om te weet, is iets wat mnr. Johann Pistorius baie doeltreffend in sy boerdery toepas, met die gesaaides én die beeste. Dit is ’n groot bydraende faktor tot sy sukses as boer.
Pistorius boer op die plaas Paardefontein by Val naby Standerton, Mpumalanga. Hy het van 2001 af saam met sy pa, Willem, geboer, en boer van 2012 alleen as ’n tweedegenerasieboer. Sy pa, wat al in 1966 begin boer het, is deesdae afgetree in Heidelberg, Gauteng.
