Boonop is die doeltreffendheid waarmee gewasse anorganiese stikstof gebruik, skaars 50% en het die nitraatvorm water nodig om in die grond te beweeg. Daar is egter ’n “poel” organiese stikstof wat met grondminerale geassosieer word, maar wat meestal misgekyk en as onaktief beskou word.
Prof. Stuart Grandy, ’n grondbiochemikus en hoof van die sentrum vir die ekologie van grondmikrobes en biogeochemie aan die Universiteit van New Hampshire in Durham, Amerika, sê dit is ’n groot poel stikstof wat potensieel vir plante en mikrobes beskikbaar is én die veerkragtigheid van boerderystelsels kan verhoog.
Onlangse navorsing toon dat grond wat ander vorme van stikstof gebruik het omdat die grondgesondheid oor tyd opgebou is, beter weerstand kon bied teen droogte as grond wat op anorganiese stikstofbemesting staatgemaak het.
