Wilde veldplante wat in strawwe toestande gedy - dit is wat
navorsers nou soek om middels teen plant- en dieresiektes te vervaardig.
Navorsers van die departement Grond-, Gewas- en Klimaatwetenskappe aan die Vrystaatse Universiteit (UV) is op soek na wilde plante wat terapeutiese eienskappe het. Die departement wil dieplante gebruik om aktiewe bestanddele te vervaardig vir produkte wat plant- en dieresiektes bestry.
Prof. Seef Pretorius van dieuniversiteit sê sowat 1 200 plante is reeds vir diedoel ondersoek, waarvan drie bogemiddelde anti-fungale eienskappe vir die behandeling van swamsiektes het.
"Daar is plante in die veld wat besonders aangepas is teen siektes en ander stremmingstoestande, wat hulle in staat stel om in uiterste toestande te oorleef. Baie van dieplante het medisinale eienskappe. Dit is dieeienskappe wat ons wil uitken, ekstraheer, suiwer en in aktiewe bestanddele omsit vir die behandeling van monokultuur-gewasse, soos vrugte, groente en graangewasse."
Prof. Pretorius sê in hul soektog na wilde plantmateriaal vir die vervaardiging van natuurlike middels werk navorsers van diedepartement nou saam met die UV se departement Plantwetenskappe. Hy sê diemiddels moet bekostigbaar wees en in ruvorm gebruik kan word om byvoorbeeld bakteriese swamsiektes te bestry.
Benewens terapeutiese eienskappe toon die plante wat reeds vir diedoel uitgeken is, uitstekende bio-katalitiese vermoë. Dít is die vermoë om die vegetatiewe en reproduktiewe groei van landbougewasse te bevorder. Dit help wortelgroei by saailinge aan, verhoog die plante se natuurlike weerstand teen siektes en maak verhoogde oesopbrengste moontlik.
Die afdeling Grondkunde van die UV se departement Grond-, Gewas- en Klimaatwetenskappe is besig met onder meer navorsing oor grondvrugbaarheid, die waterbenutting van plante asook studies oor grondgebruik. In 'n projek wat onder leiding van prof. Alan Bennie gedoen word, word op die koolstofsiklus in die grond gekonsentreer. Sodra grond bewerk word, neem die koolstofinhoud daarvan af. Metodes word nou ondersoek om koolstof in die grond terug te plaas.
In 'n ander studie ondersoek die UV die rol wat vlak watertafels speel in die besparing van besproeiingswater en hoër oesopbrengste op droëlande.
28 Februarie
2003
