Navorsing wys dat tot 80% van alle werknemers slegs aftreefondse by hul werkgewers gebruik om vir aftrede te spaar. Die noodsaaklikheid van ’n aftreefonds of aftreevoordele wat goed bestuur word, kan dus nie genoeg beklemtoon word nie.
Risikovoordele (vir sterfte, ongeskiktheid of gevreesde siektes) word ook via die aftreefondsstruktuur voorsien as ’n afsonderlike skema buite die aftreefonds (’n sogenoemde nie-goedgekeurde skema).
Al die groot versekeraars het aangedui dat covid-19 ’n reuse-impak op sterfte-eise gehad het. Volgens Old Mutual het covid-19-verwante sterftes R6,6 miljard se wins gekos. Momentum het in die drie maande tot September 2021 R4,6 miljard se sterfte-eise verwerk.
