Die begrip lewensreg dui op die lewenslange reg van vruggebruik oor ’n eiendom ten gunste van die houer daarvan. So ’n persoon is geregtig op die “vrugte” van die eiendom. Dit verwys byvoorbeeld na inkomste uit oeste of huurgeld van die eiendom.
Die vruggebruiker kan die eiendom verhuur teen vergoeding of weidingsregte verhuur aan ’n derde persoon en die huurgeld of vergoeding vir hom- of haarself gebruik. Die houer van die vruggebruik kan die eiendom dus verhuur en op ’n ander plek gaan woon.
Mag my kind ’n erfgenaam wees in my testament, maar ook die eksekuteur van die boedel? Ek het net ’n voertuig en meubels, en dit gaan na my seun.
