Soos met talle ander probleme in Suid-Afrika is dit die landbousektor wat regstaan met werkbare oplossings om die ligte aan, die droogoonde warm, die koelkamers koud en die gesaaides nat te hou.
Mnr. Koos Scheepers, ’n boer van Noordwes, het byna op sy rug geval toe hy sien wat dit hom gaan kos om ’n klein netwerkgekoppelde kragopwekkingstelsel (SSEG) op sy plaas op te rig en wettig aan Eskom se kragnetwerk gekoppel te word.
In ’n kwotasie waarvan nóg Scheepers nóg sy installeerder kop of stert kan uitmaak, vra Eskom ’n aansluitingstarief van R49 416 vir die oorskakeling na ’n Ruraflex-tariefstelsel vanaf die Land-tarief waarop Scheepers tans werk. Hy moet ook ’n kontantdeposito van R128 000 aan Eskom oorbetaal.
