Dit is ’n draagbare stort waarin die water deur sonkrag verhit word. Die UST Solar Shower bestaan uit ’n swart materiaalsak wat die son se hitte absorbeer om water in die sak te verhit.
Die sak se inhoudsmaat is 20 liter, wat dit moontlik maak vir meer as een persoon om ’n warm stort te geniet. Al wat jy hoef te doen, is om die sak te vul met water en dit buite in die son te sit.
Die stort het ook ’n ingeboude handvatsel sodat dit op verskeie plekke opgehang kan word en maklik is om te karwei. Die grootte is 46 cm x 56 cm x 2 cm en die gewig as dit leeg is, is 340 gram. Daar is ’n waarborg van twee jaar op die stortsak.
