Daarvolgens sal muskiete liewer na die kleure rooi, oranje, swart en groenblou vlieg as na groen, pers, blou en wit. Die navorsers hoop dié inligting kan gebruik word om beter insekweerder, lokvalle en ander metodes te ontwikkel om muskiete te bestry.
Dit is algemeen bekend dat muskiete hul menslike prooi opspoor deur die asem wat mense uitblaas, maar dit bly altyd ’n vraag hoekom sommige mense meer as ander gebyt word.
“Ons het gewys dit is nie net jou asem, jou sweet of die temperatuur van jou vel wat muskiete lok nie, maar ook die kleur rooi,” sê die bioloog prof. Jeffrey Riffel van die universiteit op die webwerf ScienceDaily.com.
