Kontrakte is regsdokumente wat gegewens en vereistes vervat oor ’n spesifieke saak waar twee of meer partye kontrakteer. Hier volg enkele vereistes waaraan kontrakte moet voldoen.
Natuurlike persone se volle name en identiteitsnommers. Regspersone, dus ’n maatskappy se registrasienommer en die volle name van die persoon wat die maatskappy verteenwoordig. Na die partye word verwys as “koper” en “verkoper” of “eerste party” en “tweede party” of “huurder” en “verhuurder”, na gelang van die soort kontrak.
’n Lys definisies. In ’n kontrak staan dat die “wet” iets verbied of toelaat. Die interpretasie-klousule bepaal wat “Wet” beteken, soos die Boedelwet (Wet 66 van 1965).
