Wanneer mense by my kom kuier, merk hulle altyd op hoe mooi groen die gras is. Ons gebied is ideaal vir die verbouing van weidingsgewasse wat ’n melkkoei in melk kan omskakel.
Ons boer met Holstein- en Jerseybeeste wat ons afsonderlik op verskillende plase melk. Ons melk altesaam 7 000 koeie per dag, en wel twee per dag by elke stal — vroegoggend om 04:00 en weer om 14:00. Ons Holsteins het die afgelope jaar gemiddeld 23 liter melk per koei per dag gelewer en die Jerseys daagliks gemiddeld 18 liter melk per koei. Ons melkkoper maak hoofsaaklik kaas, daarom betaal hy beter vir vaste stowwe in die melk, waarvoor Jerseys bekend is.
Hul hoofbron van voeding is die weidings op die lande. In die stal kry hulle ook kragvoer en minerale om hul rantsoen te balanseer. In tye van weidingstekorte gee ons hulle kuilvoer, wat ons maak wanneer daar oormatig baie weiding is.
