Die Vrystaat spog met die enigste landboukollege net vir vroue in die Suidelike Halfrond. Dié kollege is ’n wêreldjie op sy eie, ’n wêreld waar ’n stuk of twintig nooiens, sommige van hulle pas uit die skool, alles behartig.
Hulle kom van die stede en van die platteland in Suid-Afrika, van Suidwes (Namibië), van die Rhodesies (Zimbabwe en Zambië) en van Kenia. Hulle is nooiens wat wil leer hoe om met stoetvee te werk en om hul eie oeste, die vrug van hul ondernemingsgees en arbeid, in te samel.
Geleë tusen die groen bome aan die voet van Harrismith se bekende Platberg, ontleen Boschetto sy naam aan ’n Ita- liaanse woord wat klein woudjie beteken. Daar is selfs in die Unie min mense wat weet hoe die nooiens daar skoffel, ploeg en al die manswerk doen wat van ’n toekomstige boer verwag word.
