Die beste vyf olies kom van Groote Vallei, Morgenster, Rio Largo en Willow Creek en die naaswenners is Eden Olives Muiskraal, Gabriëlskloof, Marbrin Olive Growers, Muldersbosch en Willow Creek.
SA Olive en Absa het die Top 5-kompetisie in 2013 van stapel gestuur as 'n verlenging van die jaarlikse SA Olive-toekennings en 'n hoogaangeskrewe paneel olyfoliekenners uit die SA Olive-toppresteerders het die Top 5 beoordeel. Volgens mnr. Willie Zastron, Absa se provinsiale hoof vir besigheidsbankdienste in die Wes-Kaap, het die Absa Top 5 ten doel om die kollig te plaas op die oortreffende gehalte van Suid-Afrikaanse olyfolies.
“Absa span vanjaar vir die tweede keer kragte met SA Olive saam om Suid-Afrika se unieke olyfolies, gemaak deur die land se voorste produsente, te bevorder. Hierdie vennootskap weerspieël nie net Absa se verbintenis tot SA Olive nie, maar ook tot die Suid-Afrikaanse landbou as geheel,” sê Zastron.
Na afloop van die aankondiging sal Absa voorste kliënte uitnooi om die Top 5-olyfolies, asook vanjaar se Top 10 Pinotage-wyne in Gauteng en KwaZulu-Natal gedurende Oktober te proe. Besoek www.saolive.co.za vir verdere inligting of kontak SA Olive by tel (021) 870 2900 of e-pos info@saolive.co.za. Volg SA Olive op Facebook en Twitter @SAOliveIndustry om op hoogte te bly van die jongste nuus en gebeure.
Die 2014 Absa Top 5 wenners vlnr mnr. Nick Wilkinson (Rio Largo), me. Brenda Wilkinson (Rio Largo), mnr. Chris van Niekerk (Morgenster), mnr. Willie Lategan (ABSA), me. Vittoria Jooste (SA Olive), mnr. Willie Zastron (ABSA), mnr. John Acland (Groote Vallei), mnr. Stephan Loubser (Willow Creek).
Foto: Andrew Gorman
