Buitelanders en plaaslike boere wat die internasionale bokhaarberaad op Jansenville en Graaff-Reinet bygewoon het, het dit as ’n reusesukses bestempel. Hulle het aan Landbouweekblad gesê dit was een van die beste geleenthede nóg om nouer bande tussen produsente en verwerkers van bokhaar te smee.
Die beraad het sowat R11 miljoen gekos, waarvan die Oos-Kaap regering sowat R9 miljoen bygedra het. Die beraad was deel van die Verenigde Nasies se Jaar van Natuurlike Vesel.
Sowat 100 buitelanders, waaronder verwerkers, modekenners en die internasionale media, van 12 lande het dit bygewoon. Die Suid-Afrikaanse bokhaarkampioenskapsbyeenkoms en ramveiling is terselfdertyd aangebied.
Mnr. Gerhard Grobler, voorsitter van die SA Sybokhaarkwekersvereniging, sê die beraad het alle verwagtinge oortref.
Lees meer in Landbouweekblad se uitgawe van 20 November 2009.
13 November 2009
