Dele van die historiese wynlandgoed Boschendal, naby Franschhoek, sal op 7 Desember opgeveil word, luidens ’n berig van Realestateweb.co.za. Die veiling sal behartig word deur Pam Golding Eiendomme en Auction Alliance namens die eienaars, JSE-genoteerde IFA Hotels & Resorts van Kuwait en JCI, waarvan mnr. Brett Kebble die hoof uitvoerende beampte was.
Die dele van die plaas wat te koop aangebied word, sluit die stigterslandgoedere Rhodes Cottage van 42 ha en Goede Hoop Cottage van 21 ha in. Nog twee dele van sowat 21 ha, wat ook as stigterslandgoedere kwalifiseer, is beskikbaar.
Bethlehem Farm, wat 400 ha beslaan, sal ook opgeveil word en mag in 11 kleiner eiendomme verdeel word. Boschendal beslaan 2 240 ha, luidens ’n berig op Financialmail.co.za. Mnr. Peter Rademeyer, woordvoerder, sê die veranderinge sal nie landbouproduksie op die plaas raak nie.
Bron:
26 November 2009
