Die pryse van veral sorghum en gars is op historiese hoë vlakke, luidens ’n berig op die webwerf The Land. Me. Hannah Janson van ProFarmer meen boere moet die huidige pryse aangryp, hoewel daar probleme is wat permitte vir die uitvoer van sorghum vir voer na China aangaan.
In Australië se suide is die fokus eerder op die plaaslike mark vir gars as op uitvoere, sê mnr. Brad Knight van GeoCommodities. “Ek sou sê dat as mense nog nie hul gars verkoop het nie, gegewe vanjaar se goeie pryse, sal hulle eerder hul voer vir hul eie vee hou,” meen hy.
“Chinese voeraankopers toon tans ’n sterk behoefte aan gars en sorghum omdat dié grane minder streng gereguleer word as mielie-invoere, maar dit kan maklik verander,” sê Janson. Sy meen ook dat die Europese Unie die mark kan betree as ’n sterk deelnemer.
Beide Janson en mnr. Matt Pattison van PentAg Nidera, meen dat China op die oomblik so te sê alleen Australiese veevoerwaardes hoog hou.
Lees die volledige berig met graanpryse hier.
