Die voorgestelde oorname van CMW deur OVK is steeds ’n twisappel. Bokhaarboere is glo verdeeld oor die kwessie en sommige meen dat hulle aan die kortste ent kan trek. Diegene wat meen dat hulle slegter daaraan toe gaan wees, sê die bates wat hulle in CMW hou, is sedert sy stigting erg weggevreet.
Daar word ook gemeen dat die direksie pa moet staan vir die verlies van miljoene rande wat na bewering weens swak besluite deur die maatskappy gely is. Sedert CMW op 19 Augustus 1993 tot stand gekom het, was dit dikwels in die spervuur.
Die gebou en infrastruktuur waarin die maatskappy gehuisves is, het voorheen aan die Sybokhaarraad behoort. Die waarde daarvan is met die totstandkoming op sowat R30 miljoen beraam. Daar word nou gemeen dat OVK – wat reeds 34% van CMW besit – die meerderheidsaandeel (66%) vir ’n bate wat tans meer as R60 miljoen beloop, vir ’n appel en ’n ei kan opraap.
Lees meer in Landbouweekblad se uitgawe van 20 November 2009.
16 November 2009
