Country Bird en Astral Foods het 'n ooreenkoms bereik in hul langdurige geskil rakende hul gesamentlike onderneming hoenderteler Elite Breeding Farms. Dié twee maatskappye is al vir 'n geruime tyd in die geskil betrokke. Astral het Country Bird se 18% aandeelhouding in Elite vir R25 miljoen gekoop en besit nou 100% van Elite.
Country Bird meen dat hy weens 'n ooreenkoms met Elite verplig was om Ross 308-hoenders teen onaanvaarbare pryse by sy mededinger moes aankoop al verkies hy Arbor Acre-hoenders. Die maatskappye het klagtes by die Mededingingskommissie gelê, maar albei maatskappye het die klagtes wat hulle teen mekaar gelê het, onttrek as deel van die skikking.
"Ons is bly om ontslae te wees van 'n onwillige minderheidsaandeelhouer in die teelafdeling," sê mnr. Nick Wentzel, hoof uitvoerende beampte van Astral. Dié maatskappy sal nou sy hoenderteelras na Ross 778 verander om in internasionale verskaffer Aviagen se wêreldwye standaardisasie-voetspoor te volg.
Bron:
Fin24.com
Allafrica
9 Desember 2008
