Vets Own se Fly-Away is ontwikkel as ’n afvee-en-spuitmiddel om honde teen dié lasposte te beskerm. Dit bevat ’n kombinasie van DEET (die algemeenste aktiewe bestanddeel in insekweerders) en natuurlike olies – maar nie sitronella nie – wat volgens Rucenta, ’n verskaffer van veeartsenyprodukte, in sinergie werk vir optimale doeltreffendheid.
Sitronella kan na bewering giftig wees vir honde en ander troeteldiere. Fly-Away weer muggies, muskiete en vlieë af danksy ’n langdurige werking van meer as 12 uur.
Dit bevat geen giftige insekdoders nie, is omgewingsvriendelik en is veilig vir gebruik naby bye, ander troeteldiere, perde en mense. Dit kan selfs op oppervlakke gebruik word as ’n omgewingsvliegafweerder.
