Hoër seleksiedruk deur jaarliks 15% meer kalwers uit die top-5% van ’n kudde toe te voeg, is vir mnr. Kobus Marais die deurslag om sy stoetery optimaal te verbeter.
Dié stoetteler, wat in die Wes-Vrystaat en Kalahari boer, benut die jongste genetiese tegnologie en is die eerste ekstensiewe produsent wat geslagsbepaalde Bonsmara-embrio’s gebruik om sy koeikudde vinniger te vermeerder.
Dié nuwe tegnologie plaas sy kudde se potensiaal in die binnebaan om raswaardes vinniger te verbeter. Vir dié doel het hy ’n saadaandeel in die bul CEF 18-0505 van mnr. Hogart Gevers van Wood Basket, Vryheid, KwaZulu- Natal, bekom. CEF 18-0505 is ook deur Bonsmara SA as KI-bul gekeur.