BO: Lede en medewerkers van die Vrystaatse Jongooiklub. Van links, voor: mnre. PG le Roux (Ruskraal, Smithfield), Theron Swanepoel (Mooihoek, Smithfield), Eduard Prinsloo (Heuningkrans, Smithfield), Reinhardt Kock (Elandsfontein, Hanover) en Dirco Bezuidenhout (BKB); middel: mnre. Jan Joubert (BKB), Pieter Brink (Ospoort, Edenburg), Thian Swanepoel (Mooihoek, Smithfield), die broers Faan en Theroux Kemp (Perdegrasvlei, Fraserburg), Arno le Roux (Klopperspruit, Smithfield), Jan Marais (OVK) en Jacobus Swanepoel (Zuurfontein, Smithfield); agter: mnre. Albertus Swanepoel (Zuurfontein, Smithfield), Zak van Zyl (Abercairn, Trompsburg), Olof Wilken (Vinkelfontein, Smithfield), Wim Steenkamp (Silvervale, Smithfield), Rudi van Zyl (Sandfontein, Trompsburg) en Francois Swanepoel (Middelburg, Smithfield).
In 2021 het ’n koue Suid-Vrystaatse winter die Vrystaatse jongooiklub se lammerproduksie bykans gepootjie, maar daar is talle wegneemlesse vir ’n groep jong skaapboere in die tweede jaar van die klub se bestaan.
Een hiervan is dat aanvullende lek nie voldoende is om die gebrekkige voedingswaarde van winterweiding aan te vul nie. Die proteïenwaarde van die weiding op die gasheerplaas Waterval van mnr. Eduard Prinsloo, een van die stigterslede, was vanaf net 0,7% teenoor die 7% van ander jare.
Goeie bestuur saam met die lek het aanvullende voeding genoodsaak om die ooie se melkproduksie voldoende te bevorder. Vir die sameroeper van die klub, mnr. Dirco Bezuidenhout van BKB, is die waardevolste inligting vir die studiegroep die kuddes se speenpersentasie, want ’n teler kan op ’n hoër inkomste staatmaak as hy meer lammers gespeen kan kry.
Teken in op Landbou.com en kry toegang tot die beste joernalistiek en eksklusiewe produkte.
