Dié syferman wat in die stad grootgeword het, pas ook ’n interessante weiding- en voerbestuurstelsel toe.
Wat begin het met ses Jersey-koeie in 1972, is vandag ’n standhoudende kontantvloei vir mnr. Jacques Theron van die plaas Helderstroom by Barrydale. “Volgens vandag se norme is die melkery klein, maar dit was desnieteenstaande oor die jare ’n vaste bron van kontantvloei in swaar tye.”
Theron, wat in vennootskap met sy seun, Cobie, vrugte vir die verwerkingsbedryf, vars mark en uitvoermark kweek, het tans sowat 170 Jerseykoeie en -verse wat gemelk word, hoewel dié getal in ’n stadium sowat 220 lakterende koeie was.
