Dr. Gerhard Verdoorn, plaagbestryding-kenner, sê hy is van onlangse uitbrekings by Rayton naby Pretoria en Mokopane (Potgietersrus) in kennis gestel.
Boere tot so ver suid as Koopmansfontein het vroeër vanjaar deurgeloop nadat die verwoestende plaag Suid-Afrika in Januarie vanaf ons noordelike buurlande ingeval het.
Die geskatte koste van die skade en verliese van net Vrystaatse boere was sowat
R65 miljoen.
Die kommandowurms voed op enige grasagtige gewas, ook grane. Die vorige groot uitbreking was in 2003. Gewoonlik word Suid-Afrika net elke ses tot sewe jaar deur ’n groot uitbreking getref.
Doeltreffende bestryding is van die grootste belang. Die wurms moet betyds opgemerk word. As hulle reeds volgroei is, is chemiese beheer meestal nutteloos en die grootste skade reeds aangerig.
'n Goedkoop, doeltreffende bestrydingsmetode is om slote te grawe wat met 'n trekker toegestoot word sodra die marsjerende linies wurms daarin val.
Chemiese bestryding is op sy doeltreffendste kort nadat die wurmpies uitgekom het, en 1 tot 5 mm lank is.
Verdoorn beveel die volgende omgewingsvriendelike beheermiddels aan:
- Cypermethrin EC (registrasienommer L4644).
- Decis Forte (L6563).
- Decis (L1741).
- Fury 10EW (L6696).
- Alpha-thrin 100SC (L7262) Concord (L7143).
- Qwemifast (L721?1).
- Ripcord EL (L4953).
Kontak Verdoorn by 082 446 8946 vir raad.
