Is die stoetdier ’n skaap met ’n goeie stamboom of wat gebore is van ’n goeie ma, of is dit ’n vrugbare ooi met goeie wol en ’n goeie bouvorm? Dít is die vraag wat ’n stoetboer homself moet afvra, sê mnr. Zeiss Jordaan van Sneeuberg-Dohnes naby Cradock.
Hy het weens die finansiële impak van die droogte in 2015 besluit om meer klem te plaas op presisievoeding en meerlingproduksie om sy speenpersentasie te verhoog.
Danksy eenvoudige rekordhouding met oorplaatjies by sy ooie en die Sneeuberg-Dohne-vrugbaar-heidsindeks wat hy vir sy ramme gebruik, kan Jordaan nou die topproduserende diere vir sy Dohne-Merinostoetery selekteer.
