Suid-Afrika se beste kleinvee-kuddes is deur SA Stamboek op ’n virtuele uitsending vereer. Dit volg op ’n afsonderlike geleentheid waartydens die streekwenners vir vleisbeeskuddes bekend gemaak is.
Die land se tien beste kleinveekuddes wat Logix-platinumtoekennings ontvang het, is soos volg: mnre. Robbie Meintjes (Dorper, Griekwastad), Lodie en Chriselle van Reenen en dr. Carl Scholtz (Nova Barletta-Dormer, Clocolan), Christo van Deventer (Dorper, Prieska), Johan Kotzé (Korhaansrug-Merino, Moorreesburg), Johannes Human (Wit Dorper, Prieska), Kobie Uys (Patryskraal, Merino, Bredasdorp), HG Human (Dorper, Prieska), Jan de Villiers (Merino, Morreesburg), Jacques Neethling (Verfheuwel-Merino, Bredasdorp), Jaco van Rensburg namens Louis van Rensburg (Dorper, Prieska).
Streekwenners
Die streekwenners uit die platinum-groep is Meintjes (Noord-Kaap), Nova Barletta (Oos-Vrystaat), Patryskraal (Suid-Kaap), Korhaansrug (Wes-Kaap).
Die streekwenners met dubbelgoue status is Collett Farming van mnre. Clynton Collett en Mario du Preez (Meatmaster, Oos-Kaap), en Johan Hoffman (Merino, Bothaville, Wes-Vrystaat).
Die streekwenners met goue status is mnre. Cyril Jasper (Ile de France, Brakpan, Gauteng), Clark en Hayden Rattray (CCM Farms, Dohne-Merino, Underberg, Kwazulu-Natal) en Anton Boogertman en sy vrou, Sandra (SA Vleismerino, Noordwes).
Die streekwenners met silwerstatus is dr. Hercu van Niekerk (Meatmaster, Nylstroom, Limpopo), Deon van Wyk (Deondé-boerdery, SA Vleismerino, Delmas, Mpumalanga) en Broer Maritz (Dorper, Namibië).
Altesaam 130 brons-, 119 silwer- en 34 goue en 10 dubbelgoue eerbewyse is op die geleentheid aan telers toegeken.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
