AFGRI
BEAN
28 Jan
-
9479
0,00
CORN
28 Jan
-
4568
0,00
SOYA
28 Jan
-
9642
0,00
SUNS
28 Jan
-
12400
0,00
WEAT
28 Jan
-
6515
0,00
WMAZ
28 Jan
-
4619
0,00
YMAZ
28 Jan
-
4643
0,00
AMT
Ave Wool - Non RWS
13 Jan
-
165,67
-5,22
Ave Wool - RWS
13 Jan
-
175,15
-6,74
Beeste A2/3
13 Jan
-
64,12
5,40
Beeste AB2/3
13 Jan
-
59,8
1,44
Beeste B2/3
13 Jan
-
57,21
0,35
Beeste C2/3
13 Jan
-
52,71
0,17
Bevrore Hoender
13 Jan
-
33,17
1,42
Bokkies (onder 30 kg)
13 Jan
-
75,67
12,02
Bokooie
13 Jan
-
40,83
0,59
Groot (meer as 40 kg)
13 Jan
-
42,36
1,26
Hoender (IQF)
13 Jan
-
32,28
-0,54
Medium (30-40kg)
13 Jan
-
55,83
-0,83
Pork Average
13 Jan
-
37,48
0,43
Poultry Average
13 Jan
-
33,08
0,70
Skaap A2/3
13 Jan
-
91,6
4,46
Skaap AB2/3
13 Jan
-
86,27
5,49
Skaap B2/3
13 Jan
-
72,61
2,48
Skaap C2/3
13 Jan
-
67,45
1,67
Speenkalf
13 Jan
-
37,35
0,51
Spekvarke
13 Jan
-
38,76
0,27
Stoorlammers
13 Jan
-
38
-0,71
Varkwors
13 Jan
-
30,29
0,52
Vars Hoender
13 Jan
-
33,79
1,22
Vleisvarke
13 Jan
-
37,37
0,47

Suiwelopleiding vir eerste keer op skool aangebied

akkreditasie
0:00
play article
Intekenare kan na hierdie artikel luister
In wat as die eerste in Suid-Afrika beskryf word, kan skoliere by ’n Oos-Kaapse skool nou opleiding in suiwel as deel van hul skoolopleiding ontvang.

“Die MPO-opleidingsinstituut, in vennootskap met die Hoërskool Nico Malan in Humansdorp, het onlangs ’n projek begin wat ’n deurbraak is vir suiwelopleiding aan skoliere,” sê me. Corlia Oberholzer, opleidingsbestuurder van die instituut.

Leerders van graad 9 tot graad 12 kan nou ’n bykomende suiweltoesighouer-kwalifikasie by die skool verwerf teen die tyd dat hulle skool verlaat. Dit is die eerste skool in die land waar die projek aangepak word. Vyf seuns en vier meisies het reeds met hul opleiding begin.

“Hierdie projek gee ons die geleentheid om die jeug betrokke te kry in die suiwelbedryf en om sodoende ’n volhoubare toekoms te verseker. Die versoek het van die skool se kant af gekom nadat hulle agtergekom het daar is ’n leemte in die gemeenskap omdat daar soveel melkboere in die Tsitsikamma is, maar min landbouskole wat op suiwel konsentreer.

“Dit is ontsettend belangrik vir die MPO-opleidingsinstituut om ’n verskil te maak in die suiwelbedryf. Ons is ’n filiaal van die Melkprodusente-organisasie (MPO), ’n organisasie sonder winsoogmerk wat deur die boere vir die boere gestig is.”

Volgens Oberholzer is die kwalifikasie deur die MPO ontwikkel danksy statutêre finansiering, en is dit geregistreer by die gehalteraad vir handel en beroepe (QCTO). Die kwalifikasie bestaan uit agt modules wat ’n reeks onderwerpe in die suiwelbedryf dek soos die grootmaak van kalwers, dieregesondheidsorg, voeding, reproduksie, melkwinning, leierskap, asook die praktykkode vir melkproduksie soos opgestel deur die suiwelstandaardagentskap (DSA).

“Dit is ’n gedeeltelike kwalifikasie van die suiwelplaasbestuurder-opleiding wat uit 13 modules bestaan. Leerders word aangemoedig om die oorblywende vyf modules ná skool te voltooi.”

MPO skole-opleiding
Me. Corlia Oberholzer, opleidingsbestuurder by die MPO-opleidingsinstituut, gesels met die Hoërskool Nico Malan se skoliere oor die suiweltoesighouer-kwalifikasie. Foto: Verskaf

Drie komponente per module

Elke module vereis van die skoliere om drie komponente te voltooi. In die kenniskomponent word teorie gedek, in ’n praktiese komponent moet leerders demonstreer hoe om ’n spesifieke taak uit te voer en laastens is daar ’n werkservaringskomponent waar leerders spesifieke take op ’n melkplaas moet uitvoer onder toesig van ’n MPO-geakkrediteerde boer of bestuurder wat dit afteken.

Die boere moet vooraf registreer by die MPO-opleidingsinstituut om te verseker dat die nodige geriewe beskikbaar is op die plaas en dat die boerdery voldoen aan die kriteria waarvolgens die leerders aan al die dissiplines van ’n melkplaas blootgestel word.

Vyf melkboere in die gemeenskap het ingestem om die skoliere by te staan.

Volgens me. Elani Foord, ma van een van die leerders wat vir die kursus ingeskryf is, maak die projek ’n groot verskil. Haar dogter wil in die landbou werk, maar geen landbouskole in die omgewing aanvaar meisies nie.

Sy noem die geleentheid ’n deur wat net betyds oopgegaan het toe haar moed min begin raak het vir studiekeuses vir haar kind.

Die instituut beoog om soortgelyke geleenthede aan ander skole en areas te bied sodra die projek behoorlik op dreef is.

“Die doelwit is om die skoliere op te hef en terselfdertyd die suiwelbedryf se vaardighede in die arbeidsmag te bevorder,” sê Oberholzer. 

Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.20
-0.1%
Rand - Pond
21.30
-0.0%
Rand - Euro
18.70
-0.0%
Rand - Aus dollar
12.22
-0.0%
Rand - Jen
0.13
-0.0%
Platinum
1,012.08
0.0%
Palladium
1,618.86
0.0%
Goud
1,928.39
0.0%
Silwer
23.60
0.0%
Brent-ruolie
86.66
-0.9%
Top-40
74,766
+0.4%
Alle aandele
80,791
+0.4%
Hulpbronne 10
77,871
-0.4%
Industriële 25
103,872
+0.7%
Finansiële 15
16,281
+0.6%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Wees net jouself
Wil graag die mooi in die lewe deel met iemand. Ek het n baie mooi hart so ontdek dit. Ek lewe voluit en maak die beste van die lewe.
Kom ons kyk wat gebeur
Ek is fun(outgoing) hou van rugby, kuier saam vriende en family. Lief vir diere. Geniet om soms net te kuier by my huis en tv te kyk of musiek te luister en te daans al is dit...
Vind jou perfekte maat nou!
Ek is 'n:
Op soek na:
Ouderdomsgroep: tot