Die sorgsame oog van ’n Vrystaatse stoetmeester is die spil waarom die sukses van ’n Sussex-stoetery draai wat uit Zambië bestuur word.
Mnr. Stoffel Bergh, wat die afgelope vyf jaar die diere van die stoetery Blema ba Kan by Kroonstad versorg, sê die eienaar, mnr. Junior Keyser, boer kliphard uit Zambië saam asof hy daagliks saam met hom op die plaas bedrywig is.
Opdragte oor die versorging van die beeste en voorkomende gesondheidsprogramme word flink per e-pos of WhatsApp oorgedra. “Oom Stoffel se toewyding is die sleutel tot die boerdery se sukses.
