Daarna verkoop ons hulle op drie maande oud aan voerkrale. Tans word die voer deur ’n ander boer voorsien en ek kan nie seker wees wat die presiese inhoud daarvan is nie. Ek wil graag ons eie voer gebruik, maar ek het geen idee wat nodig is nie:
Watter voermengsel stel jy voor? Hoeveel voer moet elke kalf per dag kry? Wat is die verwagte groei per dag per dier? Gemiddeld hoeveel maande oud is ’n kalf op 150 kg? Wat is die beste rasse vir hierdie soort model?
Die verlenging van die kalf se groeifase ná speentyd en voordat die kalf die voerkraalomgewing betree, staan bekend as voorbereiding (backgrounding).
