Tyd is die grootste geneesheer, sê mnr. Nakian Kim, ’n PhD-student in gewaskunde aan die Universiteit van Illinois. Hy het studies gedoen op lande van die Universiteit van Illinois waar mielies vir vier dekades ononderbroke aangeplant en bemes is. Dekgewasse is sedert 2018 op ’n gedeelte geplant.
Kim het in ’n studie in Frontiers in Microbiology gevind dat twee jaar se dekgewasse te min is om klaar te speel met veranderinge wat die grondmikrobioom van mielielande ondergaan het weens voorafgaande dekades se landboupraktyke.
In ’n ander studie, in Agronomy, het Kim gewys hoedat die langtermynpraktyke tot op ’n genusvlak veranderinge in die versameling grondmikrobes veroorsaak het.
