Boere en ander landelike grondeienaars in die omgewing van Van Reenen wat weerskante van ’n deel van die Vrystaat-KwaZulu-Natalse grens geleë is, besef lankal die waarde van die natuurlike hulpbronne waarmee hulle boer.
Saam met regerings- en nieregeringsbewaringsinstellings het dié grondeienaars oor die afgelope dekades die Nelson’s Kop- en die aangrensende Skeurklip-bewaringsgebied gevestig en in stand gehou.
Dit is nie net om natuurlike hulpbronne te beskerm en te verbeter nie, maar ook om met sorg volhoubare landbouproduksie daaruit te genereer.
