Jy het jou besigheid opgebou, jy het die gelykspeelpunt oorgesteek, jy maak nou ‘n goeie wins en jou span groei in pas met die maatskappy. Die probleem is dat, selfs al weet jy dat jy moet delegeer as jy werklik jou besigheid wil laat groei, jy besef dat jou werknemers in baie gevalle take nie deurvoer soos jy wil hê hulle moet nie.
Jy is nie alleen nie. Dit is ‘n probleem waarmee baie sake-eienaars worstel en waarmee baie toekomstige eienaars nog mee sal worstel.
So, wat doen ‘n mens?
“Lank voor die 2010-Wêreldbeker het ek vir ‘n man gewerk wie se leuse was: “Inspect what you expect” (maak seker daar is aan jou verwagtinge voldoen), vertel Onwell Msomi, hoofbestuurder van die 2010-FIFA-Wêreldbekerspan.
“Ek was nie mal oor die gesegde nie. Ek is die tipe bestuurder wat sy span vertrou. Die probleem is dat, terwyl sommiges onder hierdie tipe toestande gedy, anders heeltemal verlore raak. Dit was ‘n swaar les om te leer, want ‘n paar uiters belangrike dinge het gedurende die beplanningsproses van die Wêreldbeker deur die gate geglip. Wanneer jy aan ‘n tydsgebonde projek van daardie omvang werk, moet jy baie nou betrokke wees, elke dag saam met jou mense stap en al die hulp gee wat jy kan.”
Die les wat Msomi geleer het is duidelik: Vertroue is wonderlik, maar dit moet verdien word. Die stigter van Weigh-Less, Mary Holroyd, stem saam: “In die werklike lewe kan jy nie ‘n maandvergadering hou en net vertrou dat almal weggaan en doen waarop ooreengekom is nie. Ek gee nie om hoe professioneel mense is nie, ek het geleer dat jy steeds moet opvolg.”
Die kuns om te delegeer
Delegering kos fyn voetwerk. Te min en jy eindig op om werk te doen wat ver onder jou posgradering is terwyl jy daarop moet konsentreer om die besigheid te laat groei. Te veel en jy het nie genoeg beheer oor jou besigheid en die rigting wat dit inslaan nie.
“Een van die belangrikste lesse wat jy kan leer is die verskil tussen delegeer en abdikasie,” sê Holroyd. “Op die ou end is jy die een wat die gevolge dra. Moenie totale verantwoordelikheid aan enigiemand in jou besigheid gee as dit vir hulle net ‘n werk is nie. Moenie dat enigiemand met ‘n “net-‘n-werk-houding” besluite namens jou hele maatskappy neem nie.”
Vir Jenni Button gaan alles oor wigte en teenwigte: “As jy delegeer – iets wat ek nie maklik doen nie – maak seker jy kyk en kyk weer of dit gedoen is, en behoorlik gedoen is. Jou besigheid hang daarvan af,” sê sy.
* Besoek Standard Bank se BizConnect vir meer inligting.
Kopiereg Standard Bank. Alle regte voorbehou.
