Die Kaapse Blommestreek Beskermde Gebied (KBBG) is verlede maand deur UNESCO vergroot van 557,584 ha tot 1,094,741 ha. Talle blomspesies in dié streek word deur CapeNature gemonitor om deel te wees van die fynbos-tentoonstelling tydens vanjaar se Cape Floral Kingdom-ekspo by Megapark in Bredasdorp.
Mnr. Guy Palmer, wetenskapsbestuurder van biodiversiteit by CapeNature, beskou UNESCO se steun vir die uitbreiding van die Kaapse Blommestreek as versekering dat owerhede en belangegroepe bewaringswette sal eerbiedig, luidens ’n mediaverklaring.
Mr. Orton King, uitvoerende hoof van Mega-groep, wat die ekspo aanbied, sê verantwoordelike en volhoubare bewaring van natuurlike erfenisse verhoog die waarde wat die fynbos- en wildblomindustrie tot die ekonomie toevoeg. Hy sê dat die uniekheid van die ekspo bevorder ook ekotoerisme.
Palmer nooi belangstellendes om die ekspo te besoek en die natuurlike rykdom van die uitgebreide blomgebied met wêreldbewaringstatus te ervaar. Die ekspo duur tot Sondag, 30 Augustus, by Megapark in Bredasdorp en kaartjies kan by Computicket of die hekke gekoop word.
Kliek hier om meer te lees oor wat te siene is by vanjaar se ekspo.
