Dis nou tyd om aanplantings te doen vir die jaarlikse Goliat van Gat-pampoenkompetisie, sê mnr. Philippie de Beer, voorsitter van die TLU SA Noord.
Hy het gesê dat die heerlike kompetisie vir almal is. Klein en groot. Kinders en grootmense, oumas en oupas. Solank jy ‘n stukkie grond van 3,3 vk meter beskikbaar het, kan jy die pitte plant.
Voornemende Goliat van Gat-deelnemers moet weet dat daar ‘n baie spesiale metode is om dié ou grotes te plant en dan na hulle om te sien. Meer inligting kan verkry word en ‘n volledige resep is beskikbaar om enige voornemende pampoen kweker in ‘n japtrap touwys te maak.
Die Goliat van Gat Pampoenfees is op Saterdag 28 Maart 2015 by die Pioniersmuseum in Pretoria.
Mnr. Pienkie Swart, 2014 jaar se wenner, het met die louere weggestap toe sy pampoen die skaal op 494 kg laat vasslaan he tydens die Goliat van Gat-pampoenfees in Stilbaai op 29 Maart 2014!
Dié nnasionale kompetisie groei jaarliks en beloof om weer baie aandag te trek.
* As jy pitte soek, kontak: Die streekkantoor by tel.: 015 293 9804. Die koste beloop R50 per inskrywing van vier pitte. Die opbrengs word aan liefdadigheid geskenk.
