Sowat 1 000 afgevaardigdes word verwag by die tweejaarlikse kongres van die Forum vir Landbounavorsing in Afrika (FARA) wat van 10-16 Junie in Johannesburg gehou word.
Sowat 1 000 afgevaardigdes word verwag by die tweejaarlikse kongres van die Forum vir Landbounavorsing in Afrika (Fara) wat van 10-16 Junie in Johannesburg gehou word. Luidens 'n mediaverklaring word tien kerntemas in die loop van die kongres uitgelig, waaronder mededingende voordele van landbouproduksie in Afrika en die ontwikkeling van inheemse kennis met behoud van intellektuele eiendomsreg, integriteit en bio-veiligheid. Volgens Fara se uitvoerende sekretaris, mnr. Monty Jones, kan die forum met internasionale samewerking sy plek vol staan om die doelwitte van Nepad te bereik deur navorsing en die ontwikkeling van produkte wat waarde toevoeg.
