Grondbewerking met handgereedskap kan tydrowend en arbeidsintensief wees, maar ’n motoraangedrewe bewerker kan die kleinboer help om sy taak met minimale moeite af te handel. Husqvarna se reeks agtertandbewerkermodelle is ontwerp vir gebruik op verdigte grond.
Dit is taai en duursaam met ’n kragtige oorhoofse klep-enjin wat maklik is om te hanteer, te vervoer en te bêre. Dit het ’n verskeidenheid helmstokaanhegsels wat vir die vereiste werkdieptes en -wydtes aangepas kan word.
Daar is aanhegsels vir verskeie take, onder meer ’n ruiter en onkruidgereedskap. Die kleinste in die reeks is die TF230-model, ’n basiese bewerker wat maklik is om te hanteer.
